شبكة ذي قار
عـاجـل










رحم الله الشاعر العراقي ملا عبود الكرخي ،
* شاعر القصيدة الشعبية العراقية الحسجة كما يقولوها اهلنا العراقيون ،


قصائده دائما تعبر عن الواقع العراقي وتبدلاته وهموم العراقيون وافعال الحكام المشينة بحق بلدهم وشعبهم ، قصائده التي خاصة به وهو من يتميز بحسجتها التي يعبر بها وبطريقته الشعبية المميزة والخاصة التي تدخل فيها النكتة والنقد الاذع ،


والوصف الجميل الذي يعشقة العراقيون (( نقد نكتة )) هنا في قصيدته بعنوان ((( قيم الركاع من ديرة عفج ))) فيها يوصف حال العراق قبل 70 عاما،* انظروا كأنه يوصف هذا الحال اليوم والعراق محتل ويحكمة صيع مجرمون متخلفون ،* وكأن الله سبحانة اعاد الملا عبود للحياة من جديد ، ليوصف لنا حال العراق والعرقيون في عهد الملالي وسراويل تل ابيب اليوم وفي ظل احتلال اجنبي مجرم همجي امريكي ايراني صهيوني ،


اقرئوا القصيدة ،، فهل لكم ان تميزوا حال امس عن حال اليوم ؟؟؟


المرفق قصيدة المرحوم ملا عبود الكرخي :


قــَيّم الرگاع من ديرة عفج
قصيدة الملا عبود الكرخي عن البرلمان


قصيدة رائعة كتبها الشاعر البغدادي ملا عبود الكرخي قبل 70 سنة عن البرلمان العراقي لكنها كأنها كتبت عن برلمان عملاء الإحتلال حاليا في العراق



قــَيَّم الرگاع من ديرة عفچ
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ

برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ

اتشوف واحدهم امعگل بالوقار
وبالاصل تاريخه اسود كله عار
ابضرف ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ

گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ

والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك
حيل دچ
قيم الرگاع من يرة عفچ

حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قیم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ
لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه
اندرچ
قيم الرگاع من ديرة عفچ

 

 





السبت١٧ ذو القعدة ١٤٣٢ هـ   ۞۞۞  الموافق ١٥ / تشرين الاول / ٢٠١١م


أكثر المواضيع مشاهدة
مواضيع الكاتب صباح ديبس نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة