العلماء يعرفون التطور بأنه التغير في السمات الوراثية الخاصة بأفراد التجمع الاحيائي عبر الاجيال المتلاحقة ، وبمان ان ( الحرامي ) هو احد افراد التجمع الاحيائي لذلك استطاع ان يطور نفسه وذلك عبر ملايين السنين ، واستطاع ايضا ان يكون مجموعة يعني ( عصابة مال حرامية ) ، واخذت هذه المجموعة تسرق وتقطع الطرق ما لبثت ان تحولت الى مجاميع وامم يعني ( الحرامية تكاثروا ) ، واخذوا يتطورون من زمن الى زمن بل استطاع ( الحرامي ) ان يطور ( العصابة ) التي ينتمي اليها ويطلق عليها ( مجلس ) ، وتطورت مفردة ( عصابة حرامية ) واصبحت ( مجلس حكم ) وهذا المجلس تطور ليصبح ( مجلس نواب ) ، وهذا المجلس الاخير يمارس عمله في وضح النهار حيث يعمل ما يحلو له وذلك بفضل التطور ونظرية التطور ، واعتقد انه ليس امرا معيبا ان يرجع الشخص الى اصله ، لذلك فأنا لاجد مانعا من القول ان ( اصل البرلماني حرامي )

يذكر إن بالعشرينات چان اكو فلاح من اهل الله عنده يكرم القارئ زمال يحمل عليه ويكرب عليه بقرية بعيدة ،، الحكومة بدت تبني مدارس بالارياف ، وصاحبنا مر على العمال ، جاي يبنون بمدرسة ، سألهم بوية شتبنون گالوله عمي نبني مدرسة ، گال وعود شنهي هاي المدرسة ، گلوله هاي تسوي الزمال آدمي ،، گاللهم هاااا ، گالوله مثل ما نگلك عمي ،، گال هسه هذا ابو صابر المْطَيْ مالتي من أخليه يمكم يصير آدمي لان مدولبني يعض ويزگط وصعب فرد نوب ،، ذولة لوتيه واحد ندس الثاني ، گاله ، ولك خلي يجيبة نحمل عليه ونگضي بيه شغل ، گاله اي عمي خلي يمنه وانت روح ، عافه يمهم وراح ، ذوله خلصو شغل بابو صابر وكملت المدرسة وبعدين باعوه و أكلوا فلوسه وراحوا ، وره خمس سنين ، ستة ، صاحبنه اتذكر الزمال ، گال خلي اروح اشوف ابو صابر صار آدمي بعده؟ ، وصل للمدرسة لگه المدرسة بيها طلاب و معلمين و بالصدفة مدير المدرسة اسمه استاد ابو صابر ، كالهم عمي وين الزمال مالتي ابو صابر ، گالوله المعلمين عمي احترم ابو صابر مدير المدرسة ، گال هااا والنوب صاير مدير ، صيحولياه ، إجه المدير لابس قاط ورباط ، گاله تفضل عمي ، گاله ها ولك ابو صابر ما عرفتني نسيت شگد چنت أُحمِّل عليك ، واترسلك العليجة شعير ، گاله عمي انت مخبل شبيك ، گاله ولك ابو صويبر شنهي الغاط والرباط خلنّك تحچي وياي هيچ بعده يلالك عندي ، المدير گاله عمي روح منا لا ابتلي بيك ، گاله خايب كلش سويت روحك ما تعرفني ، ولك موش حتى رشمتك بعدني ضامها الك ، المدير انحرج وضاج ، حط على صاحبنا وطگه بدفرة على صدرة ، فقد الوعي ، اجوه المعلمين ذبوا عليه ماي ، گعد ، گالهم والله هو صويحبي ، صحيح هندامه متبدل لابس غاط ابدال الجلال ، بس اعرفه من زگطته هيه هيه.

يابه لتحمر خدودكم وتزعلون تره المثل يضرب ولا يقاس رباط السالفة السادة النواب صدك لابسين قوط من ماركات عالمية من فلوس ولد الخايبة بس رجعوا الى أصلهم واحد يرفس الثاني بحضيرة مجلس النواب . منذ 9 – 4- 2003 اليوم الاسود في تاريخ العراق أصبح العراق "خرابه" ، واليوم وبعد مرور ثلاثة عشر عاما تحولت الخرابة إلى غابة تحوي كل حيوانات الأرض ، وفى ظل غياب القانون والدستور والشرعية وغياب أصحاب البلد الحقيقيون ، وغياب الحكم الشرعي للبلاد .. اقترفت حيوانات الغابة كل أنوع الجرائم دون ضابط أو رادع تحت سمع وبصر العالم كله .. هذا يسرق ، وهذا يغتصب ، وهذا يزنى ، وهذا يقتل ، وهذا يعذِب ، وهذا يخطف ، وهذا يزايد على الحق ، وهذا يتاجر بآلام الوطن ، والكل يعمل بحرية فلا محاسب من البشر ولا رقيب من العالم ، وتلك هي الحرية التي بشرتنا بها أمريكا والقابلة للتطبيق في كل العواصم العربية . العراق ابتلى بسياسيين استولوا على كل ما كان في زمن الحكم الوطني باسم التغيير والدين والديمقراطية الذي اضحى دولارات في جيوب السراق من سياسيين الصدفة والعملاء وربائب الاحتلال

لاتستحون مما تفعلون أخزاكم الله سود الله وجوهكم يا سياسي العراق اليوم ولعنكم الله يا فاسدين وسيلاحقكم التاريخ وحساب الشعب لكم قريب

( ندم البغاة ولات ساعة مندم * * * والبغي مرتع مبتغيه وخيمه )