حبّابه حكومتنه اهواي

حــبّــابـهْ حـكــومـتّـنـهْ اهــوايْ   وردهْ وتـتـفـلّــسْ عَـلْ التِــمّــنْ

شِـنيْ يعـنيْ اتموتْ ، وبـيْـبـايْ   اتسـوّيـلكْ واسنونههْ ايْضِحْكنْ

شِـنـيْ يعـنيْ افروخـكْ حِـفـّـايْ   واشـفـايـفـهمْ خـوفْ ايْـرجـفـنْ

شِـنـيْ يعــنيْ مـا عِــدّكْ مـــايْ   وامـنْ الحــرْ اعـيـونـكْ وَرْمـنْ

هِـيّــهْ حِـكـومــهْ لـو خـرطــايْ   كِـلـشِـيْ يجـيـكْ اصبرْ واتـمـدّنْ

يـبـنـونْ الـوادِمْ ..... بـهْــــدايْ   يمته ْ؟ امنْ اطـيـازتـهمْ يِحْـمنْ

شـــايِــلْ ســجــيـنـهْ أمْ اليَــــايْ   واتـهَـــدّدْ بــالـوادِمْ ،,، إلـمــنْ

غــيــرْ اولْ يــلـغـــفْ بــبّــــايْ   ويشـبعْ ابـسْـبـيناغـهْ ويِـسْـمـنْ

ويــاخِــذلــهْ اُبـيــتْ ابـهــاوايْ   ومزرعهْ حِلوهْ ايحطههْ ابلنـدنْ

نــكَــّـعْ خــبــزاتـــكْ بـالجــــايْ  وازقـنـبْ بـيهـنْ ... مـوْ احسـنْ

ينـطـونـكْ ؟ يـنطـونْ (زلـمـايْ) هـمّـهْ اصـخـولْ وَبـسْ يـفـتـرّنْ

موْ انـتِـخـبـتـهـمْ وكَـلـتْ ادوايْ  واجـتـافــكْ تِـركَـصْ ما وكَـفـنْ

وشــايــلْ دَفْ وطــبْـلَـهْ ونــايْ  ومـــا نِـــفـــعَـــنْ لا ذنْ ولا ذنْ

هـــسّـــهْ اتـصـــيّـــحْ آخ ْو آيْ  مِـنْ شِــفـتْ اُبَـــارِيْـهُـمْ ثِـخـنَـنْ

جـا شِنِيْ ظـنّـكْ ، بعـدْ اجْــلايْ  ايْـحِـطـولــكْ سَـيـارهْ ومـسـكـنْ

مـسـؤوليـهْ ، وذيــجْ ، وهــايْ  ونـفـطــاتْ العِــدْهُـمْ مـا كــفـّـنْ

بـسْ الســادَهْ ويــــا بــــويــايْ   يـــرّادْ الكِـــلْ واحِــــدْ مـخــزنْ

واحْنهْ ابـخـتْ السـيّـدْ ، جَــايْ   لَــغــّافْ امْـعَــتْــوَرْ وامْـفَــنّــنْ

مِنْ يِـزعَــلْ يِضـرط ْسَـكــتـايْ  وضـرطــاتْ السـيــدْ يـنـكَــلّـبَـنْ

بيْ كيْ سِيْ وهـاونْ ويْ وايْ  من ايْطِـكَـنْ ضرطاتهْ ايمـوتَـنْ

مـوْ ســيّــدْ ، سُــوكْ السَــرّايْ  اشعِـندكْ ضايِـعْ عِـندهْ امْسَلفَـنْ

سـامـط ْجَــدْ جَـدّيْ ، ودِنـيــايْ  ســودَهْ امْصَخـمهْ وما تتفـرزنْ

ايسلّمْ علْ الامريكي بـ (هـاي)  وما احجيْ .. الهْوَايـشْ يِحْجَـنْ

ومِن يـكَـعِـدْ يِـكَـعِــدْ صـفحَـايْ  اتكَـولْ اخترعْ الطشِـتْ المعْـدَنْ

ايْـشـوّر كَـالـو ، ادري ابهـايْ   وكِلْ ما ايـريـدْ ايشـوّرْ ، كَـبّـنْ

بــالــتــفـــلاتْ ايْــدَاويْ الدَايْ   ومنْ يـتـفِـلْ تـفـلاتـهْ ايْطَـيْـبَـنْ

ابكِـلـشيْ انـصَـدّكْ ، يا ويلايْ  هـوشْ اللهْ بارضْ اللهْ ايْعِـلـفـنْ

وامـنْ اتـــكَــــلّــهْ يـا مـــولايْ   آنــهْ امْـعَـظّـمْ وانـتـهْ امْـترْبَـنْ

يـفـتـرّلـكْ جَـنّـهْ عـلي اكــلايْ   مِـنْ يِـدْفــرْ دَفـرَاتـهْ ايْـعَـوْرَنْ

مِـن يــومْ الشــفـتـكْ لِـيْـجَــايْ   مـسطـورْ وريـشاتيْ انْهِـلسَـنْ

اموغّـفْ على كَلبيْ وبحشايْ   ويـومـيّـهْ ابـابـيْ وتـتـحَـنـحَـنْ

لَــطـــمْ وتـطـبـيـرْ ونـحْــبَــايْ   وامنْ الـدَكْ روطـاتِيْ انـفـكّــنْ

ما انــدَلْ بطـنيْ امـنْ اكَــفـايْ   وكِــلْ الـلـيــلْ امـوَرّمْ وادْهَـنْ

بـلــوَهْ انـتـهْ اتـزيــد البْــلوايْ  ادري احظيظانْ اكَشَرْ واسْحَنْ

للسِــمـا اصـعــدْ انـتــهْ ورايْ   اتصيّحْ خـمّسْ اخـمّـسْ الـمَـنْ

ما ظـلْ بـسْ البـاسِـيْ اويــايْ  اخـذهْ وفـكـنيْ امصلّخ ْاحْـسَـنْ

خافْ شايفنيْ انصيصة ْمـايْ  فِـلِـسْ اعـمـايـمـكـمْ ما يِـسْـوَنْ

جــا ويــنـكْ ويــنْ التـفـخــايْ  آنـهْ وآنـهْ ،، وبـيــدكْ تِـطـحَـنْ

شـوْ يَــمْ المِـسْـتـرْ خـرســايْ  واحجـايــاتــكْ كَـــوّهْ ايْـطِـلـعَـنْ

بـايـعـنـهْ وبـسْ إلَـهْ شـــرّايْ  هـسّـهْ اكــلاواتــكْ خــوْ بـيـنـنْ

يـا بـوْ اعـمـامـهْ يـا بــويـــايْ  منْ جيـتْ امصايبنهْ انـسـردَنْ

يـمـتـهْ اكـــظـــنّـــكْ مــــولايْ  وابْـعِــلــبـاكْ اشْـوَيه اتــمــرّنْ

تـدريْ جـانْ الوطنْ اغـطــايْ  ايـنـامَـنْ بيْ دمـعَـاتيْ ويِـدْفــنْ

ورافعْ راسيْ الجَـبْـدْ اسـمايْ   ما ادنّـكْ روسْ غيريْ ايْدَنّكَنْ

يـمــنــايْ اتـشـيــلْ ابـيـسرايْ   تَـعّــبِــنْ الدِنــيـهْ ومـا تِـعْــبَـنْ

واعرفْ صِدكَانيْ امنْ اعدايْ  شـوْ هـسّـهْ الالـوانْ انخلـطـنْ

اخـبـيـزهْ ابلا امـريكـهْ غِـدَايْ  اشرفـليْ امنْ اصوانيْ التِـمنْ

عميْ اكَـلـكْ ســجّــلْ هَـــــايْ   وخـلْ بــالـكْ يمّيْ ولا تصفـنْ

والله نـعــالــكْ بـيـوْ عَـــــدّايْ   اشـرفْ مـنهمْ كِـلهـمْ واثـمـنْ

كِــلّــتِـنّـهْ شــوفــوْ ابْــلَــيــايْ   وشِـفـنـهْ اذيـابـهْ الما يـنعَــدّنْ

جرّبْ غيريْ وشوفْ الجـايْ   امـثــالْ وكَـــالــوهــهْ وَمَــرّنْ

جـرّبـنـهْ وجـرّبـنـهْ اهـــوايْ   ومنْ العَضْ ايـديـنـهْ انكَـطعَنْ

                        *    *    *    *

يرجى الاشارة

إلى شبكة المنصور عند إعادة النشر او الاقتباس

كيفية طباعة المقال