|
أجه ألعيد وفكدناك ياصدّام
أجه ألعيد ياسيدي محتاجيك
ومحتاجين أنبوس ونشم أيدك
مرَّة ألأيام وظلمة من غيرك
ومنكدر أنكلك مبارك عيدك
محتاجين أنبوس راسك بهاي
ألأيام والله بعدنك نريدك
رٍحِت ويّه أحباب ألروح
ياسيدي شلون ومنين أنجيبك
مثل هذا أليوم عفتنه
للجنان الله ينعم عليك ويزيدك
ياسيدي بهل ألزمن ضعنه
من رِحِت يامولاي بعدنّه تلاميذك
لو تصير ننطيك كل دمنه
ونربط كل وريد بوريدك
يزيد ليلة ألعيد حزنّه
من نتذكر بالشهادة توحيدك
وأنت ما هزّك ألموت وشفنّه
ألبسمة والنور عله أخدودك
ما ذلّيت كدّام عدوانك
وعدوانك ذلّوا كدّام صمودك
كل ماتمر ألأيام تذكّرنه
أيامك وحنانك وكل جودك
ياريت بالقيود كلنه بس
تنكسر وتنفك عنك قيودك
يتاج ألراس والهيبه ألنه
ترانه بعدنه كلنه جنودك
ماذليّنه ولا سجدنه لحد أحنه
بس للله سجدنه مثل سجودك
أحنه ذولاك ولدك ترانه
بعدنه نحامي عن حدودك
أحنه ذولاك ولدك أحنه
بعدنه أحبابك وأسودك
عله دربك ابو عدّاي نهجنه
نهج اّل ألبيت أجدودك
نواجه ألموت منهاب أحنه
زودنه هو من صبرك وزودك
نرجّع ألعراق وترضه عنَّه
أحنه زلم ألقادسية شهودك
نريد من الله النصر ينطينه
لو مثل شهادتك وخلودك
لو مثل شهادتك وخلودك
لو مثل شهادتك وخلودك |
