|
تمُر سنين ألتجافي
على كلبي علكم
أكتب شعر وقوافي
من الظيم و ألهَم
ياسنين ألعمُر
كظيتي بالمُر والغَم
يمتَه ألفرَح يدُك بابي عليّه
أحبابي شما جِفوا
همّه أحباب
وألخِل يبقه خِل
مهما طال ألغياب
ياحِلو توّهم مرّة
ودكك ألباب
بلكي بشوفك ترد ألروح ليّه
بغيابك ألروح تربي
تدوّر عليك
شوكي إلك صار
فوكي معلّيك
أريد أحجي وياك
مكدَر أحاجيك
يمته ألوكت يندار وتصير إليّه
عيوني إلك
وكل عيون أليحبّون
إعضاي راحت منّي
وتعبت ألمتون
صرِت سالفة
بحلك كل أليحجُون
يمته أسِد بابي وبابك عليّه
|
