|
تعال ياعراق
تعال ياحبيبي ونسيني
المصايب
شلون انساك ياشمس الايام
تعال يااغلى واحلى الحبايب
شوفتك عيد وفرح احلام
تعال صار اسنين غايب
من حزنكم نسيت المنام
تعال لا تكول صار شايب
ناذر عمري كلّه للغرام
انا بالهوى عاشك وعاتب
لو اكتب اللوم تخلص الاقلام
الهوى عندي جمر لاهب
العشك جتال اسهام ورا اسهام
تعال عشكي غزل راهب
لا تسئ الظن وتكثر الكلام
عشكي الك دروس ومواهب
بيهه اعلم يهود ونصارى واسلام
من هواكم الوجه شاحب
مذبوح بالهوى ومحكوم اعدام
نسيت كل البشر ومالي صاحب
من كثر عشكي وكثر الملام
انتو الاهل واعز الكرايب
وغيركم مااهوى ومالي مرام
بعدكم شفت كل العجايب
صرت سكران مثل شرّاب المدام
بعدكم حلفت لأجلكم ابقه عازب
وارفع بالهوى رايات واعلام
دلالي المصيوب والدمع ساكب
من حجي كل عذول نمّام
ارحموني من عشك متوني راكب
هد حيلي وشوّفني موت زؤام
مكدر اعوفه لأن كلبي خايب
مثل جنح مكسور وبيد طفل طير
الحمام |
