وشكراً لساعي البريد ...

شبكة المنصور

قصيدة بقلم شاعرها

الرسالة الأولى : إلى الإئتلاف (العراقي) .

وزير داخلية إيران علي كاروان طلع امزورجي مال شهايد !

عـمْـكـمْ امـزوّرجي طِــلَـع ْ      جايـبْ شـهاده امن الجـول ْ

ويـــنْ الديـــانـه والـوَرَع ْ       كلهن حجي عِرْض اوطول ْ    

هـسّه (حَكّومي) لو سِـمَع ْ      هــاي الدِهِــيــره شـيْـكَــول ْ

اســتـادهم حـبـله انكَـطـع ْ       نــام وصُبَحْ مـو مـقــبــول ْ

عــلّـم تــلامـيــذه وشِــلَـع ْ       وحـــط المــزوّر مـسـؤول ْ

ثــاريـهـه مــنّـاك الـبِــدَع ْ       ذاك الخــره وذولــه البـول ْ

 (حكّومي) اسم الدلع للحكيم !!!

                            *     *     *

الرسالة الثانية : إلى (البوشيين) في العراق .

برغـيكم ظـل يفتر (بوش ْ)       شوفو اخلافه اشراح ايصير ْ

لا تحتارو وفرغو الحوش ْ       او كل واحـد يركـبـله ابعـيـر ْ

نـســويـكـم لله وللطــوش ْ        ومــو ذاك هـــاذ الـتـحـريـر ْ

خـيّـركـم يـرجـع للهــوش ْ        وما عنده بـس عِسم وجيـر ْ

خلصن كرشات المهروش ْ       وابـرتــكـم ما حـفـرت بِـيــر ْ

باجر جاي وماكو جيوش ْ        نـهـلـسـكـم هـلـس زرازيــر ْ

(البوشيين) اسم دلع جوقة المنطقة الخضراء!!

                              *    *    *

الرسالة الثالثة : إلى قناة الفيحاء .

شـاذي وعـنـدك تـلـفـزيـون ْ     ويـتـسـلّـه الشـاذي ويـسـلّي

كَملْ ابشعرك ترس اصحون ْ     والمخـرج كَـاضيـهـه اليفلّي

بـنـعـالـك تـنـبـش الســنـون ْ     وشـتـطـلّـع منهه وشـتـخـلّي

مـا تـنـشــافْ كَـلّي اشـلـون ْ     تـرهـم وانـشـوفـك بسْ كَـلّي

عندي الحـل وآنـه الممنون      اتريد الناس اتشوفك ... حَلّي           

امـعـقـج وجهك ما بي لُـوْن      من تـطـلـع لا اطـلّـعـه ايـولّي

(الشاذي) اسم دلع واحد بسرعه راح يعرف نفسه!!

                             *    *    *

كيفية  طباعة المقال

شبكة المنصور