|
أيكولون عدنه حكومة
أنكول كلهه جذب
هذوله مثل ألبومة
نشوفهم وكت ألنهب
همه للمحتل عونه
علينه يصبّون ألغضب
ألحريص للوطن يقتلونه
ربعهم حرامية سلب
قشمروهم ابحلقومه
وعضّونه عضّة جلِب
ماعدهم رحمة علينه
وما نظن عدهم كَلب
همّه اجلاب مسعورة
من أصبع المغدور باكوا الذهب
واحدهم كاشخ بهدومه
لافهم لاقراية لاكتب
لاشهادة لامدرسة لاعلم
شهادته باللطّم والنهب
خلّوه بالوزارة بألأسم
لانه حرامي شاطر بالحزب
صار مدير أو وزير
كام النفطنه يشربه شرب
هو لافهم لاتدبير
حمار طنطل علينه أنكلب
عجمي أنطو هوية أحوال
صار من أصل ألعرب
كام ينهب كل ألاموال
حتّى الاعمدة من الدرب
بوكك ونهب وتخريب
بالجرائم شوفونه ألعجب
خطف وقتل وتعذيب
بيوتنه اغتصبوهه غصب
هاي واجباتهم المهمة
حركك العراق بنار ولهب
وحجيهم حجي ألأمة
وعلى ألمقاومة سب وشجب
بالفضائيات معصوم واّية
وعلى ألناس توثية خشب
مايعرف أيكول أحجاية
أعوج لسانه مو حجي ألعرب
نغل ما يعرف عمامه
بالعراق سوّاله أصل ونسب
عدنا لبس صاية وعمامة
وبأيران مجوسي ألحسب
ياعراقي أصحه من ألغفله
وأكلب عليهم ألحفلة
وعلّمهم شنو الثار والنار والغضب
|
