بِسْمِ اللّهِ الرَّحْمَنِ الرَّحِيمِ

رسالة من عراقي الى عراقي

شبكة المنصور

الشاعر حامد الرعد

على بلادي أصب دم ودمع                        وللسنين أنصت وأسيخ ألسمع
وهاي ألعشرة أشعلهن شمع                       بس أعرف منو كعّد ألطائفيّة
أنت من بلادي مو غَريب                           من بغداد ألحب أقرب قريب
من أربيل للبصرة أدعيني أجيب                  بس لاتكلي اّنه وياك حرب أهلية
بنفطنه حركتنه هاي ألاحزاب                      لحياتنه سدّت كلّ ألابواب
أتوسل بيك يابو ألشباب                            طلقة بالراس موّتني مو بمثقاب
بهاي طبّقلي كل ألديمقراطية                       اّنه أحبّك وبحبك اّنه محتار
أنته كلبي وعيوني بس أنته اختار                ألدار هم دارك مو بس ألي ألدار
ردت أعيش اّنه وياك سوّية                         لا تفاركني ولا أريد هاي ألاسوار
ما ردّتك تصب على راسي ألنار                    ما عرفتك تغدر ولا اّنه غدّار
ما ردّتك تقتلني على ألهوية                        لا تبقه على ألخطأ وأنسه كل اللي صار
ألغربه ألنه شمّات اّنه وانته بهلعار                مأعرف ياربي شنو هاي ألبليّة
اّنه الك وانته ألي أحنه مو خطّار                   لاتخلّي ألعدو يسوّي بيني وبينك ثار
عشنه بالحلوّة والمرّة وعدونه بينه أحتار        ليش نزلنه لهلحال لهاي ألرديّة
ياحبيبي صفّي نيتك لايلعب بعبّك الفار            علمحتل اّنه ويّاك يجمعنه بلد واحنه ثوّار
لا تخلي ألعدو يركصّنه بطبل ولا مزمار           ونصير كل واحد بواد أحنه تجمعنه ألربية

شبكة المنصور

الخميس / 29 رمضان 1428 هـ الموافق  11 / تشــرين الاول / 2007 م