1
يالؤم مثل الوبا
حتى المساجد
كبرت
والدير ما قصر بقداسة..
مثلك فلا شفنا لؤم
انته لون ومن حكومتنا الرشيدة
الغربلتنا وسودنتنا
وباكت الماينباك عدنا
وكل فلم يمضي ونكول انشاء الله
يصيح صوت
هم شفت اخر فلم
من غنايمهم وزارات العراق
واليصبّح له بورزارة
ايسنع ادريبه بطرد ربع الغير عنه
ثم يملي هل شواغر ابشر ما عدها اي غيرة
و ذاك الجان كبله كانس المسطاح بيده
ابد ما تارك حصيرة
عنده اوراق الوصولات وحركها
وبوية
يا مسهل عذرها
ايتام صدام البعث والقاعدة
والعذر شاطي و ديرة
ثم يجهز عل ورازه
يبوك مالات الوزارة وينهزم
2
الجف خمس اصابع
لكن ابجفه 17 محبس طبك
وكل محابسهم شغل
ولون شذرتهم عمل
وحاط كل اصبع على وزن اختصاص
وبيه فرق
اصبع المتعه صبع اسمه الخلق
واصبع البوك
باشارة
وصلة خضرة يمة ويفرد علك
وهوه لو حرك الاصبع
المرافق يدري شنهي هل اشارة ويفتهم
ربما ايريدك اتموت
ايحرك الاصبع الوسطي
معنى اقتله لكن بقازوق نوري
ربما ايريدك اتموت
ايحرك احيانا سبابة
معنى اقتله
ايه بدريل صولاغ القتل
المرافق ... خضر والاسطا اخضوري
واحنا بس ندفن الموتى
واحنا بس نحفظ رقم
باك مليار وشرد
باك مليارات وذيج مغثوثة
لادفع خمسه ولا صالح امامة
اشلون اخذ هل مال كله
ولا على فتوى اعتمد
والرقم يصعد
ولا مرة انخفض
اربعين مليار صولاغ باك
اشوى!!!!!!!!! يابنك الزوية؟؟؟؟؟؟؟؟؟؟
عادل
ابن الخايبة من كظوه قر
والر قم بصعدولا مرة انخفض
ربما تتفاجئون شنهي امقرر جلبي لو وصل للداخلية
الشرطة ايبعهم تفصيخ
انتوا ما تدرون شموقع عقد
100 الف كليه
نص مليون عين
نص مليون مكور لعظم الفخذ
100الف كامل كبد
هذي الاطفال التنخطف من البلد
وفق العقد
والرقم يصعد
ولا مرّه انخفض
حتى كمية المواطن
خوب باكوها
الظهر
بلا مستحى
ذيج يا ثكل المغثة
ذيج ما استلمت خمسها
صح اموال مجهولة المالك
حك الله
شيخ ذيجة شو زعل
كلنا اتبوك!!!!
ميخالف !!!
ما تدفع خمس!!!!!!!!!! هذا غدر؟!!
واعتكف ما يقبل احد
حتى اليخمس شملته الطردة
مطرود وبحلكة عظم
وينكم يهل الرحم!!!!!!!!!!!!!
وين الصدك بيه غيرة
ومن صدك بالدين التزم
نكته جانت
ان المرتضى مبيوع قبره
اليوم كل الدين خرده انباع
وكل شي انفضح شيستره
كوم يل ناجي انسّت
شوف الك لمة نسا
شد حيلك ابني واشتغل
وسدد المليار الدفوعه لك فصل
ايه يا ذلة الذلة
دنيا وبايد النذل
الزيارة باب بوك خاف ماتدرون كلش
والحرامية امعممة وتنجس الحضرة
والسجن اضحى تجارة
والبضاعة ناس مكطوفه بسجن
السجون اتجاورت
كل سجن يمه سجن
وين ما تسحك حدر رجلك سجن
وين ما تمشي انتهاك
هذي مثكوله بولدها
ذيك مفجوعة باخوها
والحرامي امعمم
ويفتر علينا بيا بخت
انته موش افلان كت له
بالامس(جولة) الجنود اتصيح منه الله واكبر
يمتى درسوك القواعد والفقه
وصرت امام الناس تفتي بالمشكل الاكثر
كظني جراني اعلى صفحة
كلي اسكت
ذني اهدوم الشغل
وانته جد اعلى التريدة يلله انحر
روح مليت اجتهادك
هاي دنيا الحرمنه
انه اله ارهم
انا ارهم
