مع دمار العراق ومجاري بغداد .. وصخرة عبعوب
تذكرت الفلم السينمائي التمساح الذي عرض في ثمانينيات القرن الماضي في سينما سمير
اميس ... طبعا بدات القصة ان فتاة صغيرة ذهبت مع اهلها واشترت تمساح صغير لتربيته
في البيت صغير..يعني بالعراقي بكد ابو بريص ... ولحد يسالني ويكولي ام بريص وين
اسالوا عبعوب لان هو بطل المجاري ...
نرجع لسالفة التمساح ذات يوم انزعج الاب ليرمي بالتمساح بالمجاري .. وبعد مرور سنين
صاحبة التمساح الطفلة اصبحت عالمة بالحيوان ... المهم ذات يوم تفاجؤا بدات تحدث
مشاكل غريبة بالمدينة قطع قدم او اكل انسان ... المهم مااطول عليكم السالفة طلع هذا
التمساح هو تمساح البنت عندما رماه والدها بالمجاري كبر لكنه لم يغلق المجاري ...
بالعراقي ... كام ياكل بالعالم تعرفون ليش ... لان المجاري هلكد نظيفة..مابيها
فضلات ذابيها حتى ياكل التمساح لان هم يجوع .. بسبب العمل المتقن. .المهم صارت حملة
وساهمت صاحبة التمساح في قتل التمساح
نرجع لعبعوب ... اخواني عبعوب يصرح ويكول لحد يذب حصوة او رمله اخاف نتيجة الترسبات
او الرملة او الحصوة تصير صخرة ويضطر عبعوب هم ينزل للمجاري ويطلع الصخرة الي سادة
مجاري بغداد كلها ... والجماعة كلها حتى سيد عبعوب المالكي..يكول مجاري التصريف
لاتكفي لكميات الامطار ... هجم بيتكم .. ليش قبل مجانت تمطر ... بس كول مشاريعكم
الفاشله وكلها مبنية على السرقات والفساد ... طيح الله حظكم ... انتوا مو مال قيادة
دوله مثل العراق ...
والله ما اسرحكم ب 3 خرفان
اما نصيحتي كمواطن عراقي لمواطنب بلدي تهمني سلامتكم وصحتكم اكثر من هؤلاء الذين
يريدون القضاء عليكم بكل الطرق ...
ايها المواطن لاترمي الاوساخ والفضلات ودهون السيارات والرمال في المجاري للحفاظ
على سلامتك من عبعوب وجماعته ... لان هذه الامور تقلل من انسيابية تصريف المياه
مع تحيات التمساح والصغرة والعالمة التي ساهمت بخلاص المدينة ... وعبعوب ومساهمته
في انسداد مجاري بغداد
