شبكة ذي قار
عـاجـل










يابو عداي اللي خلف ما مات نسمع جلمتك دواية عفية
وزلامك يا صدام ما خالفوك الوصية عفية عفية عفية
ذولة بذرالحق الزعرته وَردْ..طالعهم ياطيب ثمارهَ الشهية
باصلابك الاحرار زرعت بذور منها للحك رجالها تفاكة
عفية تكول لاحفادك واخوة واولاد رجال وكل حرة نشمية
عفية باولاد سعد والقعقاع وحطين والخليل والعشرين عفية
عفية يلحلفتوا مثل ما شربتوه السم مقبورالخمينية
تشربون الهالكي واعوانه وحلفتوا براس كل ماجدة وكل شهيد
وكل يتيم ومغصوب وكل مسجون بالخضراء تثلثون القادسية
ذولة هلي يلي ما زوروا التاريخ مرة عفية
لا قتلو لا نهبوا ولا اغتصبو مثل اولاد الحرام والردية
عفية باولاد قحطان وعدنان يل غيرتهم نبض الحمية
ماخيبتوا بيكم الرجا ولا الواثقين ومتسندين بزلمهم يوم عفية
عفية باولاد العراق ترعب لو صفت سوة صفوفهة
والتحمت تحت راية الله واكبر محروسة باسم الله جيوشهة
ونجومها الثلاث وحدة وحرية وعدل تلالي من شماله َلجنوبه َ
عفية يل رافعين الراس يلي كتبت الحومات عنكم معجزات واية
عفية بشباب الانبار وشيوخها يل كل صولاتكم سالفة ورواية
عفية يلي خزيتوا المالكي وفضحتوا جذبه ونكزتوا نفخته
ويبستوا بعيونه خضرائه وفززتوه وحرمتوه من احلى نومه
عفيه حيرتوه يا سجة يسريها يلكاها مكطوعة ومسدودة جدامه
عفية انفكست عيونه كل دروبه شعلتوها نار واعصابه مسلوكه
وينها سواتك يالمالكي شبعتهم دولار نزعوا وانطوها اللهيب يالشفية
عفية يالانباري خابر الصحرة ما خليت للوطي صدة ولا خط رجعة
عفية يالانباري ثبتت للعربان نوماس ما يساوم هذا اخو هدلة
عفية يلي ما همتك سنين عجفة ولا صدتك عزلة
ولا ثنتك ميليشيات الهالكي باشكال اسمالها داعش والقاعدة
والسكتة الدولار والخوفه جي ليك يتوسلك عفية
حتى الشيخ المنتخي جالكم يطلب السموحه علنهة
احنا اولاد عشاير وصلة دم ورحم بينه خل تسمع الوادم اكولها
عمي صدام ما سوة هيج ولاذبح من غير ذنب ولا سوة سوايته
عمي المالكي ظالم ظالم ظالم وحك ربك وعلي والعباس وفاطمة
عمي ما النه شغل بالمالكي خدام الفرس ظالم وافعاله عوالة
لا النه مصلحة بالفرقة خل يولي خل احمد ابنه وربعه يحمونه
ذوله لعنة عمي وطركاعه طاحت على روسنه لشوكت كلها تتباجه
دم وصلة رحم عربان احنة عمي موت وقتل بولادنه موش كافينه
موش عجم احنة..نتزومط بيكم وبالله الامل المجوسي تكنسونه
ننتخيكم من الاسر عمي حررونه اولو خفنه عمي هم سامحونه
وياكم احنه واولادنه ودينالهم من الساحة مسحوبه
عمي اهل الرمادي والانبارمعروفين للامريكان طشار خلوهة
زودنه ورجانه بيكم من المجوس انشاءالله تخلصونه
لا تلومونة لوعلينه العراق ما قنط ولا دنى تاج اليعربية
عفية يل فديتوا الشرف ولا خفتوا المنية رجال والنعم والله
هاي ذيابتنه شوفوهة تصيح سلاحها رشاش وزمزمية
سنين الاضاحي العشر ولن
وسنين الفدا يالوالدة اجن ياحوم اتبع لو جرينه


منتهى الرواف / استوكهولم
 

 

 





الاثنين ٥ ربيع الاول ١٤٣٥ هـ   ۞۞۞  الموافق  ٠٦ / كانون الثاني / ٢٠١٤ م


أكثر المواضيع مشاهدة
مواضيع الكاتب منتهى الرواف نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة