شبكة ذي قار
عـاجـل













عراق الخير يا شعب الحضاره
خسارة الصار بيك أكبر خساره
عصابات وقتل خوف وموانع
وهاي دمومنا تملى الشوارع
يكفينا صبر عالذل والمراره
عراق الخير ياشعب الحضاره



تعال أتحزم انت وياي بحزام
لأجل عزت شعبنا وطيب الأنسام
عشائرنا وأهلنا أخوال وأعمام
تقاسمنا الألم في مرّ الأيام
أخوة على الزمن جار ويه جاره
عراق الخير يا شعب الحضاره
 


ثرنا مو طلاب حرب ولا مناصب
ولا عدوان بين الروافض والنواصب
نذرنا ارواحنا للوطن يستاهل
ونرد الصاع عشرة بوجه كل عايل
ونحفظ للوطن هيبته وأحراره
عراق الخير يا شعب الحضاره
 


وحك كل الرسل والآل والصحبه
وحك دجلة وفرات وخيرهالتربه
راجع يا وطن آمن ومعمور
وضحكات الزغار تغازل الناطور
وشداة الورد دارت بكل حاره
عراق الخير يا شعب الحضاره






الاثنين ٢٥ شعبــان ١٤٣٥ هـ   ۞۞۞  الموافق  ٢٣ / حـزيران / ٢٠١٤ م


أكثر المواضيع مشاهدة
مواضيع الكاتب شاكر عبد القهار الكبيسي نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة