شبكة ذي قار
عـاجـل










أريد أرجع أنا لبغداد وأظل هناك أبجي .. وكل نخله بدموعي ازكيها
ومن دجلة اغرف ماي ما غير دجلة للروح يرويها
اريد ارجع انا لبغداد اشوف اهلي .. اصحابي .. اخواني .. واسهر لياليها
واقضي البقة من عمري هناك .. واموت هناك واندفن بيها
اريد ارجع انا لبغداد اشوف امي الحبيبة .. وابوس ايديها
وانام بحضنها نومة الاطفال يا محلى الدللول لمن تغنيها
اريد ارجع انا لبغداد .. محلتنه القديمة .. ومدرستي اللي تعلمت بيها
اريد ارجع انا لبغداد وكل همومي على دجلة اشكيها
كلنه نشكي همومنا عليه ما يوم شفناه لهمومه يشكيها
اريد ارجع انا لبغداد واصلي ركعة بالنعمان .. والثانية بالكاظم اصليها
ولو وكفه على الجسر ولو مشية بشوارعها امشيها

اريد ارجع انا لبغداد وافك قيودها .. وتضل حرة اخليها
لا تصدك ابن غير بلاد اله غيرة على بغداد ويحميها
اريد ارجع انا لبغداد واموت هناك واندفن بيها
اموت هناك واندفن بيها

اريد ارجع لبغداد مو خلص صبري
اريد ارجع مو حتى حيل مبقى عندي
بعدج يابغداد مدمرني
خليتي دمعتي تسيل على خدي
تعبت من فراكج
اريد اخذج بحضني وما ابعد عنج
اريد ابوس اترابج

ياربي ترجعين يا بغداد لخاطر ناسك

احلى شي اببغداد لمن يصير غروب
فوق الجسر تمشي انته والمحبوب
....... ودجله تحظنك حضن وتحس العمر مافات
وشكد حلوه لمت هلك وياهم تتعشى بالكريعات
....... ولو تجي وتفتر بعد وتدخل على المنصور
........... طيبة وحنان وعشق واحلى طيور
....... والعيد عدنه حلو الله ياعيدي
.يلله....خلي نقارن سوه !! وايدك تضل بيدي
ايفل وبرجه .. ومكه مول واهله
واهل لندن وكل تكساس ونيويورك
. يرحون فدوه ونذر لشارع ابو نؤاس
بغداد...... هليلة تمنيتج تمريلي
بغداد يا جرح القلب وينج درجعليلي
حنيت لترابــج انا و الفركة تجويني
والشوك ذكرني بوكت جنتــــي تحضنيني
تذكرين يا شدة ورد بلونــج سحرتيني
ليش ذبلان الورد وزعلانة يا عيني
بغداد يا شمعة انطفت بالظلمة عفتيني
وظليت تايه انا .. ياهو اليدليني ؟؟
عطره يفوح من القداح
... يگولون العراق الم وعذاب وجراح
.. اگوللهم الفرح موجود وبيدنا المفتاح
... يگولون شلون والعبوات والمفخخات
وكل واحد شايل سلاح
... اگوللهم إذا صرنا گلب على گلب وأيد وحدة
نبني بلدنا وننشد موطني بعالي الصوت وصياح
... ونگول للعالم إلي تراهنوا على نهايتنا
.. المستقبل النا وكل همنا نزاح ..
ان شاء الله ياربي تتحقق


أخوكم الرفيق البعثي الصدامي كريم عبيد الدليمي رئيس جالية العراقية في نيويورك
أختكم الرفيقة البعثية الصدامية نوال عبيد الدليمي نائبة رئيس الجالية العراقية في نيويورك






الثلاثاء ٢٨ ربيع الثاني ١٤٣٦ هـ   ۞۞۞  الموافق  ١٧ / شبــاط / ٢٠١٥ م


أكثر المواضيع مشاهدة
مواضيع الكاتب الجالية العراقية في نيويورك نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة