مايموت الوطن هاي المسألة
بيه رجوله وييه اباء وكبرياء
ولو تشكك اخذ دمه وحلله
هواي رادوه ينتهي ودوره يضيع
وحضروا فتوى الجهاد لمقتله
ورادوا يعدمون دجله وي الفرات
ورادوا يقسمون ناسه وكل هله
حتى كسرى يصير حاكم من جديد
وبامر رستم تسير القافلة
وحتى مايعبر شعب ضفة امان
ولا تفتح ورده واطك سنبله
والتقت كل المصالح من جديد
العجم والروم عدوا قنبله
فتنه حتى الناس ترجع للوراء
تصير تعبانه وذليله وجاهله
وانبرى حزب الطليعة المايلين
وكال تحرير الوطن اتحمله
احنه حزب الأمة حزب التضحيات
رغم كل جروحه قاد المرحلة
وحده حرية وجحافل للنضال
واشتراكيه المسار تعدله
الوطن واحد مايقسمونه يخسون
والزرع شر بالنتيجة يحصله
اجه ابنك ياوطن يمسح ثراك
يقود مرحله الجهاد العادله
هذا رفعة راس قائد للجموع
هذا رفعة راس راعي الاوله
اليوم يوم الملحمة يوم النضال
الليل لابد بالنهار نبدله
ونرفع الرايات نبنيه من جديد
الوطن صار سنين غايب عن هله
غاب عن الامة عن دوره العظيم
الوطن حر الاسر مايتحمله
يلا شدوا حزامكم لاجل العراق
وعرفرا الغازي الاله والمو اله