جنت اكتب قصايد الك روح بروح
ولا انطر العفيه ولا لبست قناع
اناني ونرجسي ومن كثر حب الذات
اضمها من الهوى بس كون ماتنذاع

هبي بيرث دي تو يو صدام ..
ابد ما صار عنده شباع
بقت نفس الصواني
ونفس الشموع
وعطر روحك وعطر هلگاع
بقت حتى الصور محفورة
بالواجدان والواجدان ماينباع

هبي بيرث دي تو يو صدام
ما ودنا نغثك وانت تعرف زين
مغثتك كلفه والبشر طماع
هبي بيرث ديو يو تو صدام
ما ودنا نزعلك وانت تعرف زين
زعلك مايهون وعلمتنه اطباع

هبي بيرث دي تو يو ياصدام
جيت افرح بيومك واعلگ الشمعات
رغم كل المأسي والقلب ملتاع
رغم حچي المزامط ومكاسر الغبران
شگلك يا المعدل ... العراق انباع
المعفن ركب جسكاره
والتحرسه ضباع !
المگطم ملك طيارة
وما تشيله الگاع !
شگلك يالمعدل .. العراق انباع !
چبيرة ما يلمها شراع
فلتت ولا چارهالتسدها
ولا يفيد ذراع
نكسرت لا صنعه التشدها
لا نجار لا حداد لا رگاع
گصاصيب وهرافي
والذبح كل ساع
شگلك يالمعدل ... العراق انباع
اچذب و انته الما ترحم الچذاب ..
بس والله العراق انباع
أچذب وانته التگره الچذاب ..
بس والله عراقك ضاع
والصابر يناغي الموت
وي ملك الموت اخوه ارضاع
هبي بيرث دي يو تو صدام
وحقك من يمر طاريگ
تخاف اسباع

هبي بيرث دي تو يو ياصدام
وانته ببرزخك وربك
يجفلون
من اسمك الينذاع !!
هبي بيرث دي يو تو صدام
گوم على حيلك وشد الحزامين
يلصوتك يهز قلاع
ويلزلمك تحوف الموت وتتناخى
وتشگ من الگاع

هبي بيرث دي تو يو صدام
ما دام النفس
يصعدوينزل
والعقيدة شراع
ما تنباع
لا بعثي يلمه الحيف
ولا صدامي ينسى طباع
ماتنباع
لا راية حزبنا البيها متغطين
ولا فكر ونهج ولا سمعة الطيبن
ماتنباع
ما دام اسمك وطن
وناسك تريدك بيه
تظل روحك شمس
وتتباهى بيها الكاع