وين انت يا راعي الغنم
 الواوي من بعدك ظلم
 والشعب اتوهم بالنعم
 تاليها بالضيم انلصم
 
 الكاكي الجان سايد امن
 من جنة نتفنن بالمهن
 وعلوم وثقافة وفن
 اخرها ولت للعدم
 
 من جنة اسياد وقمم
 جبهتنا تعلو بالهمم
 دنجنة راس العجم
 وحلم امريكا بينا انسقم
 
 تعال وشوف البلد وين صار
 من رحت انت شصار
 سايسنا صار حمار
 من بعد الاسد صخمت فحم
 
 نشتاق لكلمتك الحنينة
 ولطلتك هيبة علينه
 والامن بعدك .. شيرده الينه
 حق الناس كله انظلم
 
 من جنة نحجي بالعدل
 ونحكم بحق وعدل
 والخير نجره عدل
 الوطن اليوم صاير زريبة
 
 اذا السايس حمار شتترجه منه
 دس الدسايس وفرق للوطن وحدته
 ابن الوطن مشتته كعدته
 بين الدول بين القمم
 ضاعت من الوطن هيبتة
 
 اترحم عليك وابجي فركاك
 واتمنه حلم لو كابوس فركاك
 بس تالي النوم اصحه مفزوز
 والكه الحلم صار حقيقة
 
 بس امل ويا محلى الامل
 ويرجع للعراق الامل
 ويبني الوطن بالامل
 نرجع اسياد وقمم