أكدر أرسم ورد
أكدر أرسم ألناس
بس أشلون أرسم
والكلب كلّه فركاس
أكدر أكتب غزل
وأكتب شعرأجناس
بس أشلون أكتب
والفكر للمنية ردّاس
مذبوح عندي وطن
وضايع مني ألمقياس
وأحتركت ألغيرة
وزاد قهر ألأحساس
وين الكه أبو ألغيرة
من تاه ألحسين
وضاع عباس
وصاروا أهلنه مجاهد
وحرامي وبينهم علآس
وصارت ألكلاب سادة
وصارت ألقرود حراس
وصار ألوطن فرهود
جوّه ألخنازير أنداس
اشلون انساك ياوطن
وانت بالكلب والراس
رغم حكم يهود وعجم
وحكم خناس وسواس
ورغم الخيانة والغدر
وبالظهر ضربة الفاس
وطنه نار على العدا
وللنار العراقي مجباس
نار ياعراق الغيرة
أنت للغيرة دوم غطاس
أنت ألصبر وألصبر أنت
وغيرك للصبر رفّاس
يامجد وياثورة ويانخوة
اليوم للغيرة دكّت ألأجراس
أليوم حق البركان
لطرد كل ألعفونة والخياس
أليوم لازم يتحرر وطنه
ويرجع الحق لكل الناس
أليوم للغيرة دكت ألأجراس
أليوم للغيرة دكت ألأجراس
أليوم للغيرة دكت ألأجراس
