هذه الرسائل أنقلها كما وردتني دون أن أتدخل في تغيير ما ورد فيها لكي تستوضح صورة الواقع العراقي في ظل الاحتلال الأمريكي الفارسي ، وتعرف حقيقة مرتزقة المحتل وعبيده من الخونة والمرتدين.

اين الثرى من الثريا

في الحكومة التي نصبها المحتل والتي يرأسها نوري المالكي أناس يدعون زوراً أنهم يسيرون على نهج الإمام علي عليه السلام ، لكن كل أفعالهم تتناقض من منهج وسيرة الإمام علي ، وكلمات هذه القصيدة توضح ذلك ، فأين الثرى من الثريا .

قارنتك علي ويه اليحكمون
ولكيتك يا علي مفرط بالأحكام
شني تحكم الدنية وعرشك بساط
وشني بجامع مقر القائد العام
وشني عود اليتيم يكضلك الباب
اليتيم يروح يسكن دار الايتام
جا ما عادهه ولاكضلك الباب
كون بصدره قنبر ساحب اقسام
كلشي يصير مدري يفخخ البيت
تحت مهرك يجوز يحطلك الغام
علي شعليك اذا بالشام جوعان
دشبع حزبك ونعلة ابو الشام
تكضي الليل تفتر وانت مسؤول
السياسي الزين كون المغرب ينام
بين الناس تخطب لا يبو حسين
علي المفروض تخطب من ورة الجام
كثر نوك واطلع موكب وياك
وانشر ع الدرب رماية سهام
ناكة مضلله وتركبها ابو حسين
وعمار ابن ياسر كعدة جدام
وخل مالك الأشتر كبلك يفوت
يكطع كون سير الشارع العام
بدولتك هم جنت تنجز مشاريع
وهم تاخذ مقابل بصمة ابهام
فضة وفنبر أشكد يا علي انطوك
يله تعينو بالبيت خدام
عقيل شراد منك حتى تجويه
اخيك هاذ ضمه لضهرك احزام
كبل ما كو دمج وتدمجه مولاي
علي سجله سياسي مهدم الاصنام
شعجب ولدك علي ما طلعو ايفاد
ددزهم ع البحر يكضولهم عام
دبرلهم عذر خلهم يصيفون
بحجة مشو دوره بنشر الاسلام
علي تنطي الخبز تتلثم شبيك
جاما كشفت وجهك للإعلام
جا ما صار بينه الصار مولاي
وضل يا هو اليجي وكال اني ابو لثام

للشاعر
نهاد الخيكاني

* * *